chitika

WORLD FLAG COUNTER

Flag Counter

chitika

Tuesday, 17 May 2016

TELUGU MORAL STORY AND MESSAGE - MEN AND THE WATER



చక్కని కథ! మన జీవితాలకు అన్వయించుకోదగింది.
అతడు ఎడారిలో దారి తప్పిపోయాడు. 
కూడా తెచ్చుకున్న నీళ్ళు రెండు రోజులపాటు కాపాడాయి . ... నడుస్తున్నాడు 
నీరు ఎక్కడా కనబడటం లేదు . ఎండమావులు తప్ప ఎక్కడా నీటి జాడ లేదు. తను జీవితపు ఆఖరు దశకు చేరాను అని అతడికి తెలిసిపోతోంది. ఈ రాత్రి గడవదు. రేపు ఉదయం చూడను అని అనుకుంటున్న దశలో ప్రయత్నం చెయ్యడమా? అలాగే నిరాశతో కూలబడి పోవడమా ఎటూ నిశ్చయించుకోలేక పోతున్నాడు. 
.
దూరంగా ఒక గుడిసె లాంటిది కనబడింది. అది నిజమా? తన భ్రమా? 
.

ఏమో! నిజమేమో! అక్కడ తనకు నీరు దొరకవచ్చేమో! చనిపోయేముందు ఆఖరు ప్రయత్నం చెయ్యాలి అని అనుకున్నాడు 
శక్తిని కూడదీసుకున్నాడు. తడబడిపోతున్న అడుగులతో ముందుకు నడుస్తున్నాడు. ఎదురుగ అతడు అనుకున్నట్టుగానే ఒక గుడిసె కనబడుతోంది. దానిని సమీపించాడు. అక్కడ ఎవరూ లేరు. బహుశా దానిని వదిలిపెట్టి ఉంటారు. లోపలికి వెళ్ళాడు 
.
.
అక్కడ ఒక నీటి పంపు కనబడింది. దానిని చూడగానే ప్రాణం లేచి వచ్చినట్టు అయ్యింది. దాని దగ్గరకి వెళ్లి దానిని కొట్టాడు. నీరు రావడం లేదు. శక్తి అంతా ఉపయోగించి దానిని కొట్టాడు. ప్రయోజనం లేదు. నిరాశ నిస్పృహ ఆవరించాయి. ఒంట్లో ఉన్న కొద్ది నీరూ అయిపొయింది. కళ్ళు మూసుకుపోతున్నాయి 
ఒక మూలగా ఒక సీసా కనబడింది. దానిలో నీరు ఉంది. మూత గట్టిగా బిగించి ఉంది. మూత విప్పి దాన్ని ఎత్తిపెట్టి తాగుదామని పైకి ఎత్తాడు. దానికి ఒక కాగితం కట్టబడి ఉంది. దానిమీద ఇలా రాసి ఉంది. 
“ ఈ బోటిల్ లో నీరు పంపులో పొయ్యండి. పంపు కొట్టండి నీరు వస్తుంది. మీరు మళ్ళీ ఈ బాటిల్ నింపి పెట్టండి “ 
అతడికి సందేహం కలిగింది. ఈ నీరు తాగెయ్యడమా ? పంపులో పోయ్యడమా? ఎంత కొట్టినా రాని నీరు ఈ బాటిల్ లో నీరు పోస్తే వస్తుందా ? ఉన్న ఈ నీరు కాస్తా పోసేస్తే తర్వాత రాకపోతే తన గతి ఏమి కాను? చేతిలో ఉన్న నీరు తాగితే కనీసం ఇంకో రెండు రోజులు బ్రతక వచ్చు. అందులో పోసేస్తే తన మరణం ఖాయం. ఏమి చెయ్యాలి ? ఎంతకూ ఆలోచనలు తెగడం లేదు.
.
.
ఒక నిశ్చయానికి వచ్చాడు. అ నీళ్ళను పంపులో పోశాడు . పంపు కొట్టడం మొదలు పెట్టాడు. ఆశ్చర్యం పాతాల గంగ పైకి తన్నుకు వచ్చింది. భగవంతుడికి కృతజ్ఞతలు చెప్పుకున్నాడు. మళ్ళీ బోటిల్ నింపాడు. మూలన పెట్టాడు. తన కూడా తెచ్చుకున్న నీటి బాటిల్ నింపుకున్నాడు. ఆ గుడిసె లో ఎడారి మ్యాప్ కనబడింది. తను ఎటు వెళ్ళాలో చూసుకున్నాడు. బయలుదేరాడు.
ఈ కథ మన జీవితాలను ప్రతిబింబిస్తోంది కదూ! 
.
.
ఏదైనా పొందాలి అంటే ఇవ్వడం నేర్చుకోవాలి .
.
అలా ఇవ్వడం వలన మనం పొందగలం అనే నమ్మకాన్ని కలిగి ఉండాలి 
.
ఫలితం మీద ఆశ పెట్టుకోకుండా ప్రయత్నించాలి 
కృషి చెయ్యకుండా ఫలితం ఆశించకూడదు.
Related Posts Plugin for WordPress, Blogger...

chitika