MIRCHI RECIPE IN TELUGU

మిరపకాయ కూర

కావాల్సిన పదార్ధాలు ;-

మిరపకాయలు --- పావు కేజీ
సెనగపిండి -- 4టేబుల్ స్పూన్స్
ఉప్పు -- ఒకటిన్నర టీ స్పూన్స్
కారం -- ఒక టీ స్పూన్
నూనె -- ఒక టీ స్పూన్
వాము -- అర టీ స్పూన్

తయారుచేసే విధానం ;-

ముందుగ మిరపకాయలను బాగా కడిగి మధ్యలో చీల్చి పెట్టుకోవాలి . తరవాత ఒక గిన్నెలో సెనగపిండి ,ఉప్పు ,వాము ,కారం ,నూనె వేసి బాగా కలిపి చీల్చి పెట్టుకున్న మిరపకాయలలో కూరాలి . ఇప్పుడు ఒక గిన్నె తీసుకుని అందులో రెండు టేబుల్ స్పూన్స్ నూనె వేసి కూరిన మిరపకాయలు వేసి సన్నటి సెగ మీద మాడకుండా మధ్య మధ్య లో గిన్నెను కదుపుతూ వేయించాలి . వేగిన కూర మీద ఇందాక మనం మిరపకాయలలో కూరటానికి తయారుచేసిన పొడిని జల్లి రెండు నిముషాలు ఉంచి దించేయాలి . అంతే ఘుమఘుమ లాడే మిరపకాయ కూర రెడీ ............... వేడి వేడి అన్నం లో నెయ్యి వేసుకుని ఈ కూర తో తింటే చాల బావుంటుంది ... కారం తినలేని వారు రెండు టీ స్పూన్స్ చింతపండు రసం కలిపి పొడిని కూరుకుని చేసుకుంటే ఇంకా రుచిగా ఉంటుంది