WORLD FLAG COUNTER

Flag Counter

Monday 12 September 2016

GANESH STHTHI - KASIKANDAM


విశ్వేశుడు చేసిన గణేశ స్తుతి - కాశీఖండం

శ్రీకంఠ ఉవాచ:

జయ విఘ్నకృతా మాద్య - భక్తనిర్విఘ్న కారక!
అవిఘ్న విఘ్నశమన - మహావిఘ్నైక విఘ్నకృత్!!

సర్వ గణాలకు అధీశుడవయిన నీకు జయము. సర్వగణాల ముందుండే నీకు జయము. అన్ని గణములచే నమస్కరింపబడు పాదాబ్జములు కలవాడ!నీకు జయము. గణనాతీత సద్గుణ జయము. సర్వగ సర్వేశ సర్వబుద్ధ్యేక శేవధీ! నీకు జయము. మాయా ప్రపంచాన్ని అంతటిని తెలిసికొన్న తత్వజ్ఞ నీకు జయము. అన్ని కర్మలయందును ముందుగా పూజింపబడే నీకు జయము. అన్ని మంగళ కార్యాలకు మాంగళ్యాన్ని ప్రసాదించువాడ, సర్వమంగళకర! నీకు జయము. అమంగళాన్ని శమింపచేయ సమర్ధుడా, మహా మంగళాలనీయడానికి కారణుడవైన నీకు జయము. సృష్టికర్తచే నమస్కరింపబడే నీకు జయము. జగత్తు స్థితి కారకునిచే నతుడవైన నీకు జయము; జగత్సంహృతి చేయువానిచే స్తుతించబడిన నీకు జయము. సత్కర్మ సిద్ధినిచ్చేవాడా! సిద్ధి పొందిన వారిచే నమస్కరింపబడు వాడ! సిద్ధి వినాయకా! నీకు జయము. సర్వసిద్ధులకు ఆశ్రయమయినవాడ, మహాసిద్ధి బుద్ధి సూచక! నీకు జయము. గుణాతీతా! అశేష గుణాలను నిర్మించువాడా! గుణాగ్రణీ! పరిపూర్ణ చరిత్రార్ధ! గుణములచే వర్ణింపబడిన వాడా! నీకు జయము. సర్వబలాధీశ బలారాతి బలప్రద! బలకోజ్వలదంతాగ్ర! అతిబలపరాక్రమ! జయము. అనంత మహిమల కాధారమా! ధరాధర విచారణా! నాగభూషణా! జయము.

No comments:

Post a Comment